Жетісу облысының Төтенше жағдайлар департаменті (ТЖД) мен Қазақстан Республикасы Төтенше жағдайлар министрлігіне (ТЖМ) қарасты «Қазселденқорғау» АҚ мамандары Жетісу Алатауы жоталарына аэрошолу жұмыстарын жүргізді. Бұл шара өңірдегі көктемгі табиғи қауіп-қатерлерді алдын ала анықтау және болдырмау мақсатында ұйымдастырылды.
Аэрошолу нәтижелері бойынша:
-
2000 метр биіктікке дейінгі аумақта қар жамылғысы жоқ. Бұл төменгі жазықтарда еріген қар суларынан қауіптің аз екенін білдіреді.
-
2000 метрден жоғары биіктікте қар жамылғысының қалыңдығы 75 см-ге дейін жетеді. Бұл – орташа көрсеткіш, алайда күрт жылыну кезінде сел және қар көшкіні қаупі туындауы мүмкін.
Қауіптер мен бақылау шаралары:
-
Таулы аймақтарда қар көшкінінің іздері байқалған, алайда мұз кептелісі тіркелмеген, өзен арналары арқылы судың еркін ағуы қамтамасыз етілуде.
-
Мореналық көлдер – тұрақты жағдайда, олардың деңгейі мен су балансы тәулік бойы мониторингте.
-
Су тасқынына қарсы инженерлік тосқауылдар мен арналарды бекіту жұмыстары кестеге сай жүргізілуде.
Мамандардың ескертуі: таулы және тау бөктеріндегі аймақтарға шыққанда, ауа райы жағдайын мұқият бақылау және ТЖД ұсынымдарын ескеру қажет.
Ауа райының тұрақсыздығына байланысты төтенше жағдайлар қызметі тұрғындарды және туристерді сақтық шараларын сақтауға шақырады.
«Жетісу-Ақпарат»
Фото: Жетісу облысының Төтенше жағдайлар департаменті
