Жетісу облысының Әділет департаменті 10 сәуір мен 10 мамыр аралығында өтетін «Антиконтрафакт» республикалық акциясының басталғанын хабарлады. Бұл бастама зияткерлік меншік құқықтарын қорғау және контрафактілік өнімдердің таралуын болдырмау бағытында халықтың құқықтық сауаттылығын арттыруды көздейді.
Акция шеңберінде 10-25 сәуір аралығында 14-18 жастағы жасөспірімдер арасында «Бірге контрафактіге қарсымыз» атты үздік фотосуретке арналған республикалық байқаудың аймақтық кезеңі өтеді.
Конкурс екі кезеңде өтеді:
-
Аймақтық кезең: 25 сәуірге дейін қатысушылар ұсынған жұмыстар арнайы комиссия тарапынан қаралып, үздік деп танылған бір фотосурет ҚР Әділет министрлігіне жолданады;
-
Республикалық кезең: қорытынды 10 мамырда шығарылады, жеңімпаздар бағалы сыйлықтармен марапатталады.
Қатысу үшін өтінішпен бірге төмендегі құжаттар ұсынылуы тиіс:
-
Туу туралы куәлік немесе жеке куәліктің көшірмесі;
-
Фотосурет (байқау тақырыбына сәйкес);
-
Құжаттар e.aubakirov@adilet.gov.kz электронды поштасына немесе WhatsApp арқылы +7 707 622 29 43 нөміріне жолданады.
Бұл байқау – жастарды шығармашылыққа баулу ғана емес, олардың құқықтық мәдениетін қалыптастыруға бағытталған маңызды бастама.
«Жетісу-Ақпарат»
Фото: overclockers.ru
