ҰҚК Шекара қызметі Жетісу облысы бойынша департаментінің шекарашылары Шекара қызметінің Абай облысы бойынша департаментінен Ұлы Жеңістің 80 жылдығына арналған «Жеңіс эстафетасын» қабылдап алды.
Бұл туралы 7-su.kz желілік басылымы El.kz сайтына сілтеме жасап хабарлайды.
Маңызды іс-шара Абай облысының Аягөз қаласында ұйымдастырылып, Жетісу облысы, Үшарал қаласында жалғасын тапты.
Шекара қызметі баспасөз қызметінің хабаралуынша, салтанатты шараға тұрғындар да ат салысты. Жиналған қауымға З.Қойшыбаева атындағы Мәдениет үйі өнерпаздарының концерттік бағдарламалары ұсынылып, көтеріңкі көңіл-күй сыйлады.
«Жеңіс» марафоны келесі кезекте Алматы қаласында өтеді. Эстафетаны ҰҚК Шекара қызметі Жетісу облысы бойынша департаменті ресми түрде алматылық әріптестеріне табыстайтын болады.
Фото: видеодан алынған кадр
