Жетісу прокуратурасы алимент төлемеген борышкерлерді қылмыстық жауаптылыққа тартуды талап етіп жатыр, — деп хабарлайды 7-su.kz желілік басылымы Massaget.kz сайтына сілтеме жасап.
Сондай тексеріс барысында Алакөл ауданының борышкері 5 жылдан астам уақыт бойы өз міндеттемелерін орындаудан әдейі жалтарып, жалпы қарызы 2,6 миллион теңгеге жеткені анықталды.
Борышкер әкімшілік жауапкершілікке тартылғанымен, бұл шаралар тиімді нәтиже бермеген.
Сондықтан прокурорлар ҚР ҚК-нің 139-бабына сәйкес балалар мен басқа да мүгедек отбасы мүшелерін асырау үшін қаражат төлеу жөніндегі міндеттемелерін орындамау фактісі бойынша сотқа дейінгі тергеп-тексеруді бастады.
Сот оны кінәлі деп тауып, бір жыл мерзімге бас бостандығын шектеу жазасын тағайындады.
Сот үкімі күшіне енді.
Фото: szaferman.com
