Көксу ауданында «Қарлығаш» сауықтыру лагерінің I кезеңі салтанатты түрде ашылды.
Бірінші кезеңге ауданнан 100 бала қабылданды. Салтанатты жиынға облыстық білім басқармасының орынбасары Гүлмира Ахметова, аудан әкімінің орынбасары Серік Тасқанбаев, Балпық би ауылдық ақсақалдар алқасының төрағасы, ардагер ұстаз Жұмахан Жексембинов және мектеп директорлары қатысты.
«Қарлығаш» балаларды демалту және дамыту орталығында ұлттық құндылықтарды дәріптеу мақсатында қазақ үй құрылып, балаларға қазақы бұйымдардың көрмесі ұйымдастырылды. Ұлттық құндылықты ұлықтап, балаларға салт-дәстүрді дәріптеу мақсатында атқарылған жұмыстар өте ауқымды.
Демалушылар мультфильм көріп, аниматорлармен би билеп, әуелетіп ән салды. Кеш соңында балаларға мерекелік дастарқан жайылып, би кеші ұйымдастырылды.
Аружан ЖАҚЫП,
Көксу ауданы әкімінің баспасөз хатшысы
