«QAZAQ Технология» ЖШС жасап шығарған JET Servise ұлттық платформасы сәтті іске қосылды.
Бұған дейін әлеуметтік желіде халыққа түрлі бағытта жылдам әрі сапалы қызмет көрсететін отандық платформа дайындалып жатқаны хабарланған.
Дәлірек айтқанда, «HAT-HABAR», «Jet taxi» және «Bazarcom» деп аталатын нағыз отандық үш бірдей қызмет түрін біріктірген платформаны «Google Play Маркет» арқылы жүктеп алсаңыздар болады. Таяуда «App Store» жүйесінен де жүктеу мүмкіндігі болмақ.
«Бұл барша қазақстандықтардың, халқымыздың игілігі үшін өмірге келген жоба. Өздеріңіз үшін қызмет ететін болғандықтан платформа Сіз бен Бізге ортақ. Сондықтан әрбіріңізден қолдау күтеміз! Сіздердің қолдауларыңыз арқылы отандық жобамыз шетелдік сервистерді шетінен ысырып, өз Отанымызда өзіміз үшін қызмет ететін болады», — делінген «QAZAQ Технология» ЖШС таратқан хабарламада.
Ары қарай, отандық жобаға халықтың қолдау көрсетуін сұрап, кезіккен кемшіліктер болса ескерткен жағдайда уақытылы жоятындарын жеткізген.
«Алмағайып ақпараттық ғасырда бізге өзгенің қаңсығы таңсық емес! Біз сіздердің тілектеріңіз бен талғамдарыңыз үшін уақытпен санаспай жұмыс жасаймыз! Өз мақсатымызға өзіміздің платформамен бірге жетейік! Осы ретте барлықтарыңыздан қосымшамызды жақындарыңызбен бөлісіп, барынша насихаттауды, әлеуметтік желілер арқылы таратуды, үнемі бізбен бірге болуды сұраймыз! Бұл жаңадан шыққан мобильді қосымша болғандықтан кем—кетіктері немесе қолданушылардың көңілдері толмайтын тұстары болуы мүмкін. Сондай сәттерде бізге бірден жазып отырсаңыздар, кемшілікті кезек күттірмей түзеп отырамыз. Себебі біз қосымшаны жиі (аптасына бір мәрте) жаңартып отыратын боламыз. Әрбір жаңарту барысында орын алған олқылықтар міндетті түрде жойылатын болады. Әрбір кемшілікті дер кезінде түзету үшін біз үнемі Сіздермен байланыста боламыз! JET Servise ұлттық платформамыздың парақшалары осы мақсатта тәулік бойы жұмыс жасайды!», дейді жоба авторлары.
P.S. БІЗ БҰЛ АҚПАРАТТЫ ОТАНДЫҚ ЖОБАНЫ ҚОЛДАУ МАҚСАТЫНДА ҰСЫНЫП ОТЫРМЫЗ. РЕДАКЦИЯЛЫҚ ЖАРНАМАЛЫҚ МАҚСАТҚА ЖАТПАЙДЫ.
