Республикалық «Таза Қазақстан» экологиялық акциясы аясында облыстық төтенше жағдайлар департаментінің қызметкерлері ел жауһары атанған Алакөл көлінде суасты тазалық жұмыстарын жүргізді.
Шомылу маусымы қарсаңында ұйымдастырылған акцияда облыстық ТЖД арнайы бригадасы көлді күл-қоқыстан тазалап, арнасын қалыпқа келтіру мақсатында қызу жұмыс жүргізді. Нәтижесінде Балқаш көлінің 10 км. бойы 5 метр тереңдікке дейін түрлі қоқыстан тазартылды. Сүңгуірлер бірегей көл түбінен целлофан, пластик сынды 367 келі қоқыс шығарды.
«Атқарылып жатқан жоба аймақтық емес, мемлекеттік болуы тиіс. Алакөл көлінің табиғи байлығын жоғалтпай сақтап қалу – біздің парызымыз», – дейді мамандар.
ТЖД сүңгуірлер көмегімен су астын қоқыстан арылтып, көз жауын алатын көгілдір көлге алыс-жақыннан ағылған жазғы демалысын өткізушілерге қауіпсіз ортада тазалықты қамтамасыз ететін болады. Осы арқылы көл түбінің ластанбауын қатаң қолға алған төтенше жағдайлар қызметкерлері «Таза Қазақстан» акциясы барысында жердің беті ғана емес, өзен-көл астының да назардан тыс қалмауы керектігін айтып, жетісулықтарды тазалыққа шақырды.
ӨЗ ТІЛШІМІЗ
