2020 жылдан бастап Қазақстан Республикасында халыққа ақысыз медициналық реабилитация мен қалпына келтіру көмегі жүзеге асырылады.
2020 жылдың 1 қаңтарынан бастап туберкулезден айыққан адамдар тегін медициналық көмектің кепілдендірілген көлемі шеңберінде, ал мемлекеттік әлеуметтік медициналық сақтандыру шеңберінде арнайы мамандандырылған реабилитациялық орталықтарда ересектер мен балаларға медициналық оңалту (2 кезең – аурухана, 3 кезең – амбулатория), амбулаториялық-емханалық мекемелер мен шипажайларда балаларға, мүгедектерге медициналық оңалту көмегі көрсетілетін болады. «Халық денсаулығы және денсаулық сақтау жүйесі туралы» ҚР Кодексінде «ҚР халқына медициналық оңалтуды ұйымдастыру стандартын бекіту туралы» ҚР Денсаулық сақтау министрлігінің 2013 жылғы 27 желтоқсандағы №759 бұйрығында Қазақстан Республикасы Денсаулық сақтау және әлеуметтік даму министрінің 2015 жылғы 27 ақпандағы №98 бұйрығында көрсетілгендей «Оңалту және емдеу, оның ішінде балаларды медициналық оңалту ережелері» 2020 жылғы 1 қаңтардан бастап енгізіледі. Денсаулық сақтау және әлеуметтік даму министрлігінің «Әлеуметтік мәні бар ауруларға шалдыққан азаматтарға медициналық-әлеуметтік көмек көрсету ережесін бекіту туралы» 2015 жылғы 28 сәуірдегі № 285 бұйрығы да ескерілетін болады.
Медициналық сауықтырудың мақсаты – денсаулықты, мүгедектікті, жеке, әлеуметтік мәртебені қалпына келтіру, асқынулардың алдын алу, материалдық және әлеуметтік тәуелсіздікке қол жеткізу, интеграция, қоғам өмірінің қалыпты өміріне қайта оралу. Медициналық реабилитацияның (әрі қарай-МР) негізгі қағидаларын біле жүргендеріңіз абзал. Ерте басталу, кезеңдік, сабақтастық, жекелеген және мультидисциплинарлық әдіс, қолжетімділік, жеткіліктілік және оңалту шараларының нақты тұжырымдалған мақсатына назар аударуды естен шығармаңыздар. МР кезіндегі тегін медициналық көмектің кепілдендірілген көлемі пакеті мен МӘМС пакеттеріне бөлінудің өзі жаңашылдықты білдіреді. 1) ересектер мен балалардағы жедел жағдайлардан кейін және хирургиялық араласудан кейін; 2) 3 кезеңдегі МР ересектер үшін жедел жағдайлар мен хирургиялық араласудан кейін; 3) аймақтардағы 3-сатыдағы балалар үшін МР; 4) республикалық деңгейдегі 3-сатыдағы балалар үшін МР жүгінуге болады.
Жедел жағдайлар мен хирургиялық араласулардан кейін қалпына келтіруге арналған ICD-10 кодтары бойынша диагноздар мен ICD-9 кодтары бойынша операцияларды (манипуляциялар) тізімдей аласыз. Медициналық көмектің кепілдендірілген көлемі шеңберінде медициналық көмек Қазақстанда тұрақты тұратын барлық азаматқа, қандастарға, азаматтығы жоқ шетелдіктерге көрсетіледі. ТМККК жаңа моделін қалыптастыру әр адамға шұғыл әрі төтенше жағдайлар кезінде көмек көрсету және бүкіл қоғам үшін маңызы бар ауруларды бақылау қағидаттарына негізделген.
Майра АЙТУАРҚЫЗЫ,
Міндетті әлеуметтік медициналық сақтандыру қоры Алматы облысы бойынша филиалының медициналық қызмет сапасына мониторинг жүргізу бөлімінің эксперт маманы
