«Қазгидромет» РМК-ның баспасөз қызметінің мәліметінше, еліміздің 15 өңірінде ауа райының қолайсыздығына байланысты дауылды ескерту жарияланды.
Күндіз Жетісу облысының орталығында және шығысында нөсер жаңбыр жауады. Таулы аймақтарда жаңбыр мен қар түрінде қатты жауын-шашын өтеді. Облыстың солтүстігі мен шығысында, таулы аудандарында тұман түсу ықтималдығы жоғары. Шығыста және таулы аймақтарда батыстан соққан желдің екпіні 15-20 м/с шамасында болады.
Павлодар облысының солтүстігі мен шығысында қар жауып, бұрқасын жүреді. Кей жерлерде көктайғақ пен тұман байқалады. Солтүстік-батыстан соққан желдің екпіні 15-20 м/с жетеді. Павлодар қаласында да желдің қарқыны осы деңгейде сақталады.
Маңғыстау облысының оңтүстігінде тұман түседі.
Астанада тұман мен көктайғақ байқалады.
Қостанай облысының батысы, солтүстігі және шығысында түнде және таңертең тұман түседі.
Ұлытау облысының шығысында көктайғақ байқалып, түнде, таңертең солтүстік және шығыс аймақтарында тұман түсуі мүмкін.
Қызылорда облысының орталығында тұман болады.
Алматы облысының таулы аудандарында жаңбыр мен қар түрінде қатты жауын-шашын өтеді. Солтүстік, оңтүстік және таулы аудандарда тұман түсіп, батыстан соққан желдің екпіні 15-20 м/с дейін жетеді. Қонаев қаласында да желдің күшеюі күтіледі.
Абай облысының басым бөлігінде жаңбыр мен қар жауып, көктайғақ және жаяу бұрқасын байқалады. Түнде және таңертең шығыс өңірлерде тұман түседі. Жел оңтүстік-батыстан солтүстік-батысқа ойысып, екпіні кей жерлерде 25 м/с дейін жетеді. Семейде де осындай ауа райы тіркеледі.
Шығыс Қазақстан облысында жаңбыр мен қар түрінде жауын-шашын болып, көктайғақ пен бұрқасын жүреді. Желдің екпіні 15-25 м/с дейін жетеді. Өскемен қаласында да жел күшейіп, көктайғақ пен жаяу бұрқасын байқалады.
Атырау облысының батысында түнде және таңертең тұман түседі.
Түркістан облысының таулы аймақтарында 13-15 қараша аралығында түнде және таңертең тұман байқалады.
Қарағанды облысының солтүстігі, оңтүстігі және шығысында көктайғақ болады. Түнде және таңертең батысында тұман түсуі мүмкін. Қарағанды қаласында түнде көктайғақ байқалады.
Солтүстік Қазақстан облысының солтүстігі мен шығысында жаяу бұрқасын жүріп, оңтүстігі мен шығысында тұман түседі. Солтүстік-батыстан және батыстан соққан желдің екпіні 15-20 м/с шамасында болады. Петропавлда да осындай жел күші байқалады.
Батыс Қазақстан облысының солтүстігі, шығысы және орталығында түнде және таңертең тұман түседі.
Ақмола облысының шығысы мен оңтүстігінде аздап қар жауып, жаяу бұрқасын жүреді. Тұман мен көктайғақ байқалады. Көкшетауда да осындай жағдай қалыптасады.
