Еліміздің барлық аймақтарындағыдай сағат 20.00-де Алматы облысындағы сайлау уаскелері де өз жұмыстарын тоқтатты. Облыстық сайлау комиссиясының мәліметтеріне сай, өңір бойынша дауыс беруге тиістілердің 72,83 пайызы сайлау учаскелеріне келіп, өз таңдауларын білдірген.
Алматы облысы бойынша барлығы 1392237 сайлаушы тіркелген. Күні бойы 1053 сайлау учаскесі жұмыс істеп, 1074 референдум комиссиясы құрылды. Олардың 21-і аймақтық, 1053-і учаскелік комиссия.
Сайлау учаскелеріндегі дауыс беру барысының заңдылығын саяси партиялар, қоғамдық, ардагерлер және тағы да ұйымдар өкілдерінен жасақталған байқаушылар бақылап отырды.
«ЖЕТІСУ-АҚПАРАТ»
