Бүгін сайлау күнінде Жетісу облысы Текелі қаласындағы орталық ауруханада сәби дүниеге келді. Қазір ана мен баланың денсаулығы жақсы, — деп хабарлайды Жетісу облысы әкімінің баспасөз қызметі.
Жас босанған ана Аялуым Бақытқызы мен оның салмағы 2500 келі болып өмірге келген ұлы қазір дәрігерлердің бақылауында.
— Ұлымның бүгінгі саяси науқанмен тұспа-тұс дүние есігін ашқанына қуаныштымыз. Бұл — менің бесінші перзентім. Алланың қалауымен мерзімімнен бұрын босандым. Әзірге салмақ жинап, денсаулығымызды күшейткенше дәрігерлердің бақылауында боламыз. Перзентханада жатқан әйелдерге дауыс беруге жағдай жасалған. Мен өзім дауыс беріп үлгердім», — дейді көп балалы ана Аяулым Бақытқызы.
«ЖЕТІСУ-АҚПАРАТ»
