Тұрғын үйлерді өрттен сақтандырудың маңызы зор. Өкінішке қарай, көпшілік жағдайда тұрғындардың өрттен сақтану ережелерін бұзуынан туындайды.
Тұрғын үйлерде немесе пәтерлерде қолдан жасалған пеш болса, оны мезгілінде жөндеп тұру керек. Жаңадан пеш салынса, бұл жауапты жұмысты сенімсіз адамдарға тапсыруға болмайды. От жағу үшін тез тұтанатын жанар-жағар- майларды қолдану бірде болмаса бірде орны толмас қайғыға ұшыратуы мүмкін. Отынды, басқа да жанғыш заттарды пештің алдына тастауға, пешке сенімсіз отын түрлерін салуға болмайды. Пештен шығарылған күл, шлактар сумен сөндіріліп, арнайы бөлінген қауіпсіз жерге төгілуі керек.
Үлкен адамдар да кей кезде оттан сақтану ережелеріне мән бермей, жанып жатқан пешті балаларға сеніп қалдыруының салдарынан өрт шығып жатады.
Жоғарыда айтылған жайттардың басым көпшілігі тұрғындардың отты пайдаланудағы абайсыздығы салдарынан болады. Сондықтан әркім өз ісіне мұқият қарап, соңы өкінішке ұрындыруы мүмкін жайларды алдын ала ойласа дұрыс болар еді.
Ол үшін өздеріңіз оттан сақ болыңыздар. Балаларға сіріңке ойыншық емес екенін және де ойыннан өрт шыққан жағдайда олардың салдарының қаншалықты ауыр болатынын ерте бастан түсіндірген жөн.
Н. Алиев,
ТЖБ инженері, азаматтық
қорғау аға лейтенанты
Алакөл ауданы
