Жетісу облысында кәмелетке толмағандардың істері жөніндегі мамандандырылған ауданаралық сотының төрағасы Жанна Нүсіпованың төрағалығымен дөңгелек үстел өтті.
Іс-шараға облыстық және аудандық прокуратура өкілдері, Полиция департаментінің Тергеу басқармасы бастығының орынбасары Э.Метербаев, сондай-ақ қалалық және аудандық полиция бөлімдерінің тергеу жөніндегі орынбасарлары қатысты.
Кездесу барысында келесі мәселелер жан-жақты қаралды:
-
Жасөспірімдерге қатысты істерді тергеу кезінде туындайтын процессуалдық қиындықтар;
-
Кәмелетке толмағандардың құқықтарының толық сақталуын қамтамасыз ету;
-
Құқық бұзушылықтың алдын алу және тергеу сапасын арттыру жолдары.
Тараптар бірлескен іс-қимыл мен тәжірибе алмасудың маңыздылығын атап өтіп, жасөспірімдердің заңды мүдделерін қорғаудағы жауапкершілікті күшейтуге бағытталған бірқатар ұсыныстарды ортаға салды.
Жетісу облысының Полиция департаменті балалардың құқықтары мен қауіпсіздігін қамтамасыз ету бағытындағы жүйелі жұмыстарын жалғастыруда.
«Жетісу-Ақпарат»
