Жетісу облысында жер қойнауын заңсыз пайдаланғандар ұсталды. Оңай олжаны көздегендер Үштөбе қаласынан 30 шақырым жерде қиыршық тас пен құм тиеп жатқан жерінен қолға түскен, деп хабарлайды
Бұл туралы 7-su.kz желілік басылымы Almaty.tv сайтына сілтеме жасап хабарлайды.
Табиғатты қорғаушыларының айтуынша, ешбірінде рұқсат қағазы жоқ. Шамамен 100 гектар аумақтан азаматтар табиғат байлығын бей-берекет қазып алған. Бір жүк көлік құм алғандар нарықта тауарды 100 мың теңгеге саудалайды. Мамандар «қалтасын қампитқандар табиғатқа залал келтіріп жатыр» дейді. Жазда құрылыс материалдарына сұраныс көбейгенде заңбұзушылықтар жиілей түседі. Мысалы, өткен айда өзен арнасы мен өзге де жерлерден заңсыз тас тасымалдаған 11 дерек тіркелген.
– Заңбұзушылық Үштөбе-Көпбірлік жолының 33-шақырымында орын алды. Ол жерде құм-қиыршық тас тиелген екі жүк көлік және эскалатор жүргізушілері анықталды. Тексеру барысында мекемелердің бірі оларды жалдап жұмыс жасап жатқанын түсіндірді. Осы дерек бойынша аталған құжат жиналып, Жетісу облысы бойынша экология және жер ресурстарын бақылау департаментіне жолданды, – деді Полиция департаменті табиғатты қорғау тобының аға инспекторы Сержан Сейдахмет.
