Жетісу облысына қарасты Қаратал ауданында орналасқан С.И.Морозов атындағы №51 орта мектеп гимназиясында Заң және тәртіп – халықтық Конституция құндылықтары деген арнайы тақырыпта соңғы қоңырауға арналған салтанатты саптық жиын жоғары деңгейде өтті, – деп хабарлайды 7-su.kz ақпараттық порталы.
Білім ордасында ұйымдастырылған бұл ауқымды мәдени шарада мектеп бітіруші жас түлектерге болашақ өмірде ақ жол тілініп, аяулы ұстаздар қауымына шексіз алғыс айтылды, сондай ақ оқу жылы бойы түрлі байқауларда озық шыққан дарынды оқушылардың жоғары жетістіктері кеңінен дәріптелді. Алтын ұя мектептерімен біржола қоштасқан жас түлектер үшін бұл айтулы күн жүректе мәңгі сақталатын ерекше әрі толқынысты сәттердің біріне айналды.
Білім ошағында сыңғырлаған соңғы қоңырау үні мектеп бітірушілердің алдағы жаңа үлкен өмірге бастар алғашқы нық қадамы ретінде қабылданып, олардың асқақ армандарына кеңінен жол ашар сәт болып табылады. Мектеп әкімшілігі мен ұстаздар қауымы жаңа өмір белесіне қадам басқан жас түлектердің қанаттары ешқашан талмай, алдағы уақытта мемлекетіміздің дамуына өзіндік үлестерін қосатын білікті азаматтар болуына тілектестік білдірді. Салтанатты жиын барысында оқушылар патриоттық әндер шырқап, мектеп вальсін билеп, өздерінің шығармашылық өнерлерін жиналған ата аналар мен қонақтарға жоғары деңгейде паш етті.
Еліміздің негізгі заңы мен құқықтық тәртіп құндылықтарын негізге алған бұл тәрбиелік шара жас ұрпақтың бойында отаншылдық сезімді нығайтуға да үлкен септігін тигізді.
