Қалалық патрульдік полицияның рота инспекторы Санат Серікқалиұлы Қаратал өзеніне батып бара жатқан баланы құтқарып қалған.
Тәртіп сақшысы «Қызылтас» саяжайында демалыста жүргенде көмек сұрап айғайлаған балалардың дауысын естіген. Ол ойланбастан өзенге секіріп, бір баланы суға батып бара жатқан жерінен аман алып қалған.
– Судан шығарғанда 11 жасар баланың демі сезілмей, көкшіл болып кетті.Оған бірден алғашқы медициналық көмек көрсетіп, тікелей жүрек массажы мен жасанды тыныс беру арқылы баланың демін қалпына келтірдім, – дейді ол.
Осыдан кейін тәртіп сақшысы бірден «жедел жәрдем» шақырған. Бала ауруханаға жеткен соң дәрігерлер полиция қызметкерінің дер кезінде көрсеткен көмегі бүлдіршіннің өмірін сақтап қалғанын айтыпты.
