Талдықорғанқаласында әскер қатарына шақырылған жастарды шығарып салу салтанаты өтті. Оған аймақтағы қорғаныс істер департаментінің жауаптылары менөңір тұрғындары қатысты. Бұл жолы Жетісу облыстық жинақтау пунктінен 30-ға жуық жас Отан алдындағы борыштарын өтеуге аттанды.
Жауаптылардың сөзінше, елімізде наурыз айынан бастап азаматтарды көктемгі әскерге шақыру науқаны басталған. Сондан бері аймақта азаматтарды бірнеше мәрте әскерге аттандыру іс-шаралары ұйымдастырылған.Биыл өңірден 2000 -нан астам адам әскер қатарына қосылады деп жоспарлануда.Бүгінде әскерге шақырылған жастардың Отан алдындағы борышын өтеугедеген белсенділігі жоғары көңіл күйлері жақсы.
– «Әр азамат үшін әскерге барып-келу үлкен өмір мектебі. Әскер қатарында қызмет етіп, Отан алдындағы парызын өтеу әрбір азаматтың басты міндетті. Себебі, туған жерді, елді, атамекенді қорғау – қасиетті борыш. Бұл пікірмен біздің жас сарбаздар да келіседі», –дейді Жаркент қаласынан әскерге шақырылған Орал Олжас.
– «Мерзімді әскерге бару жастардың алдында тұрған басты міндеттердің бірі.Бұл олардың Отанды қорғауға деген қабілеті мен біліктілігін арттырады.Осы аттанған сарбаздарға Қазақстан Республикасы Президентінің ұйғарымымен жоғары оқу орындарына оқуға түсуге бар мүмкіндік қарастырылған. Сондықтан жас сарбаздардың болашақтарына сәттілік тілей отырып, қазақстандық әскердің жауынгері атағын абыроймен алып жүреді деп сенеміз»,–дейді қорғаныс саласының өкілі.
Басқосуда әскерге аттанушы жастардың ата-аналары ұлдарының аман-есен Отан алдындағы борыштарын атқарып келуіне ізгі тілектерін білдіріп зор ықыласпен аттандырды.
Айдын КӘЛІМХАН
