Талдықорған: +8°C
$ 455.00
€ 498.77
₽ 5.56
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

«Күніне 5 мың теңге, кейде 15 мың теңге табамын»: Жалданып жұмыс істеу дұрыс па?

15 маусым 2023
РУХАНИЯТ
"Күніне 5 мың теңге, кейде 15 мың теңге табамын": Жалданып жұмыс істеу дұрыс па?
WhatsAppTelegramFacebook

Нарықтық заманда қарап жатуға болмайды. Ебін тауып еңбек етіп, нәпақа табу керек. «Есектің артын жусаң да мал тап»  деген бар. Көп замандас екі қолға бір күрек таппай әлек болуда. Жұмыс жоқ емес, бар, тек екі иінге аяқ тіреп, желкеге мінген жалқаулық мұрша бермейді. Көптің айтары – «айлық аз». Осы сылтауды тұрмысқа арқау еткен құрбы-құрдасты көз көріп жүр. Есесіне бір емес, бірнеше жұмыс істеп, тұрмысымды түзеймін, отбасымды асыраймын деген ниетпен жүргендер де жетерлік.

Солардың қатарында Серікбол Сейітхан да бар. 24 жасар Талдықорған қаласының тұрғыны сауда-саттықпен айналысатын фирмадан нәпақа тауып жүр. Қолы босай қалса жалдамалы жұмыс іздейді. Оның сөзінше, тап қазір «аспанға қарап, жұлдызды санап» уақыт өткізер кез емес.

– Жұмыс уақыты әртүрлі. Таңғы жеті жарымда басталып, түнделетіп аяқталады. Жоспарды орындасаң, боссың. Сол уақытта қосымша жұмыс істеймін. Сауда фирмасында тапқаным жетпейді. Амалсыз жалдамалы жұмыскер болуға тура келеді. Мұнда да табыс әркелкі. Істеген шаруаңа қарай күніне 5 мың теңге, кейде 15 мың теңге табамын. Әр азамат отбасын асырауы керек. Қара жұмыс істейтініме еш өкінген емеспін, – дейді Серікбол Сейітхан. 

Кейіпкеріміз жұмыс таңдамайды екен. Жүк түсіреді, кейде бақша аударып, топырақ қопсытады. Тіпті, ескі үйді бұзады. Мұндай жұмыстарды істетіп, еңбекақыны дұрыс бермейтіндер де бар. Бейнетті көрсе де ақша жырып қалуға дағдыланған. Серікбол отбасымен пәтерде тұрады. Соған қарамастан кейде волонтер болуды да жат көрмейді. Қатарластарымен бірлесіп жалғызілікті қарттардың үй шаруасына да көмектесіп тұрады.

Келесі кейіпкеріміз Темірлан Дәулетұлы  Талдықорған қаласында жалданып жұмыс істейді. Студент болса да қолы қалт еткенде біркүндік жұмысқа жалданып, нәпақа табады. 20 жастағы жерлесіміз кей адамдар істеген жұмыстың ақысын бермей әбігерге салатынын алға тартты.

– Мені баласынады-ау. Маңдай терімізді ағызып жұмыс істесек те ақымызды бермей қояды. Өз басым осындай әділетсіздікке жиі ұшыраймын. Бірде жаңа қонысқа келіп жатқан отбасыға жалдандым. Пәтер 9-қабатта. Келісілгені – 10 мың теңге. Не керек, көліктен жүктерді арқалап, пәтерге дейін кіргізіп бердім. Жиһаздардың жеңіл емесін білеміз ғой. Бірақ, жүктері пәтерге толықтай кірген соң үстелді сындырдың, жиһаздың сыртын сырдың деп сылтауратып, қолыма 5 мың теңге ұстатты. Дауласа кеткем, полицияға шағымданатынымды айттым. Әйел адаммен қалай даурығыса беремін?! Жөніме кеттім. Құқық қорғаушыларға барғанымда жігіттігімді алдыма тартып, келісімшарттың жоқтығын айтып шығарып салды. Бұл – бір ғана мысал, – деді Темірлан Дәулетұлы.

Сөз соңында біркүндік жұмыспен отбасын асырап жүргендер де бар. Оны кейіпкерлермен тілдесу барысында аңғардық. Мұндай азаматтар «жұмыс жоқ, айлық аз» деп сылтаурататын азаматтарға үлгі болуы керек. Бірақ, жалданып жұмыс істейтіндердің нәпақасын жейтіндердің бары қынжылтады.

Меруерт ДӘУРЕНҚЫЗЫ,
І. Жансүгіров атындағы ЖУ студенті

Сурет ғаламтордан алынды

Қатысты жаңалықтар

Жұмылдыру дайындығы не үшін қажет және әркім нені білуі керек?

Жұмылдыру дайындығы не үшін қажет және әркім нені білуі керек?

Бүгін, 19:34
Бақтыбай ауылында Мәдениет үйі есігін ашты

Бақтыбай ауылында Мәдениет үйі есігін ашты

Бүгін, 19:21
Қазақстанның курорттық аймақтарында туристік қызметтер көлемі артуда

Қазақстанның курорттық аймақтарында туристік қызметтер көлемі артуда

Бүгін, 18:58
Алакөл аудандық мәслихатының депутаттығына кандидат Каримов Досан Елжанұлы

Ақсу аудандық мәслихатының депутаттығына кандидат Қалиақпаров Бауыржан Есболатұлы

Бүгін, 18:01
Алакөл аудандық мәслихатының депутаттығына кандидат Каримов Досан Елжанұлы

Алакөл аудандық мәслихатының депутаттығына кандидат Каримов Досан Елжанұлы

Бүгін, 17:55

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.