Талдықорған: +7°C
$ 455.00
€ 498.77
₽ 5.56
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

РУХАНИ ОШАҚ АТ ҚОРАҒА АЙНАЛҒАН

26 ақпан 2023
РУХАНИЯТ
РУХАНИ ОШАҚ АТ ҚОРАҒА АЙНАЛҒАН
WhatsAppTelegramFacebook

«Адамды адам еткен – кітап, адамзат еткен – кітапхана»  деген парасатты пайымды классик жазушы, абыз Әбіш Кекілбаев тегіннен-тегін айтпаса керек. «Барлық білім кітапта, ерінбей оқып көуге», – деп айшықтаған алып Абай да асыл қазынаның құнын арттырып, бекер толғанған жоқ еді.

Ал бүгінгі біздің елдің рухани әлеміне қарар болсаңыз, оқылатын кітабы түгіл,  «өрісін өрт, өзегін дерт» алғандай руханияты да жұтаң тартып тұрғаны белгілі. Бір ғана Жетісу жерінде бұл ойды қуаттайтын мысал жетерлік. Соның бірі – кітапхана мәселесі.

 

РУХАНИ ОШАҚ АТ ҚОРАҒА АЙНАЛҒАН

Бүгінде елді мекендерде орналасқан кітапханалардың дені Мәдениет үйлері мен клубтардан орын алған. Ал кітапханасы тұрмақ Мәдениет үйінің өзіне күрделі жөндеу қажет болған аудандардағы мәселені айшықтаудың өзі адам жанын діңкелетіп жібереді. Мәселен, бір ғана Ақсу ауданы бойынша 20-ға жуық Мәдениет үйі күрделі жөндеуді қажет етсе, кейбірі жамап-жасқауға келмейтін хәлде. Ақын Сара және Қоңыр сынды ауылдардағы рухани ошақ ат қораға айналып, қабырғалары қақырап тұрғаны жайлы жазылған жанайқайы «Jetisy» газетін жүйелі оқып жүрген оқырманға таныс. Ал сол Мәдениет үйлері шаңырағынан орын алған кітапханалардың жай-күйі қалай екенін өзіңіз елестете беріңіз?!

Біздің мемлекетте көп құндылық аса ескеріле бермейді ме деген ойға қаласың. Дамыған елдер иті мен мысығының өзіне жеке емханалық орын ашып жатқан уақытта біздің қазақия кеңістігінде барлық дүние бір жіппен шимайланғандай көзге елес беретіні анық. Мәселен, қарапайым  анықтама алу үшін үш есіктен өтіп, төртінші біреудің мөрін соқтыру керек болып жатады. Онсыз анықтаманың «а» таңбасы түскен күлпара қағаз қолға тимейді. Сол секілді құндылықтың қазығына айналған руханият мәселесі де осы хәлде. Онсызда ауылдағы тұрғындарға шақтап салынған санаулы орны бар мәдениет ошақтарына кітапханаларды теліп қойғанбыз. Мемлекет болып жастарға кітап оқуды үлгі ете алмай жатқан уақытта осының өзі езуге ащы мысқыл ұялататынын кімнен жасырайық?!

 

АЛТЫ АЙЛЫҚ ҚЫСТА ОТ ЖАҒЫП

Панфилов ауданынына барған сапарда бірқатар ауылдағы кітапханаға бас сұқтық. Рухани қазынаға толы, әдеби кітаптар түгелімен сөреде сіресіп тұр деп айта алмаймыз. Уақыт барысымен толығар.

Алайда осынау кітапханалардың кітапханашылары бүгінде алты айлық қыста от жағып рухани мекеннің ішін жылытып отырғанын да тілге тиек ете кетуде парыз деп санадық. Осы орайда белгілі ақын Айнұр Төлеудің әлеуметтік желідегі жазбасы еске түседі. Ол:

«Оқу үшін кітапханаға бардым. Интернеті нашар екен. Кітапхананың интернеті – мен үшін өте маңызды, себебі ғылыми монографиялар мен мақалалардың PDF-нұсқасын іздеймін, сайттардағы кітаптарды оқимын дегендей. Енді барлық кітапхананың интернеті нашар емес шығар деп, үйіміздің қасындағығна бардым. Ол жер өте салқын екен…», – деп пікір қалдырған.

талқылауға түскен осы жазбаның астында кітап функциясын қайтару үшін біраз уақыт керек екені де айтылды.

 

ҚАЗЫНА БІТКЕН ҚАРА ЕДЕНДЕ ШАШЫЛЫП ЖАТЫР

Хош, ұлы құндылықтар тоғысқан, сан ғұлама мен ақын-жазушының өнеге шашар өсиеті топтасқан кітапхана мәселесі туралы толғануымызға түрткі болған мәселенің тағы бір сілемі – Жаркент қаласындағы балалар кітапханасы.

Осыдан үш жыл бұрын жаңа ғимаратқа көшкен кітапханада кітап қояр сөре жетіспейді. Панфилов аудандық кітапхана ұжымының ұйымдастыруымен бірнеше сөре жеткізіліп, бірқатар кітап тәртіппен орналасқан десек те, жергілікті бюджеттен немесе мәдениет, арихвтер және құжаттама басқармасы тарапынан қолдау болмаған соң қазына біткен қара еденде шашылып жатыр. Бұл туралы сұрағанымызда Панфилов аудандық кітапханасының директоры Дария Байжігітқызы:

«Жаркент қаласы Юлдашев көшесінде орналасқан балалар кітапханасы қаладағы 9 орта мектептің 1-9 сынып оқушылары мен көптеген бала-бақшаның тәрбиеленушілеріне қызмет көрсетуі тиіс. Аталмыш кітапханаға 2020 жылдың аяғында жергілікті бюджеттен ақша бөлініп, жаңа ғимарат берілген еді.  Кітапханаға керекті жабдықтарға, жиһаздар алуға қаржы бөлінбегендіктен,  штаттық бірліктер: (2 кітапханашы, 3 күзетші, 1 еден жуушы, 1 бағдарламашы)  қарастырылмаған», – деп жауап қайтарды.

Сонымен қатар, аудандағы кейбір кітапхананың жай-күйі сын көтермейтінін, кітап қоятын сөрелер жетіспейтінін жеткізді.

Мәселенің мәні осыда десек те, жалпы биілік немесе жауапты басқармалар тарапынан кітапханаларға материалдық-техникалық базаны нығайтуға жалпы қаражат қарастырылмайтынын ұғындық. Соның салдарынан сынған мүлік жамап-жасқалса да жаңамен толықпайды екен.

Міне, осындай олқылыққа жол бере отырып біз жастарға айрықша сын көзбен қараймыз. «Телефонға телмірген, кітапты қажет етпеген буын» деп айыптаймыз. Ал өзіміз «азып-тозған кітапхана кімге керек?» деп бір сәт ойланып көрсек жөн болер еді-ау!

 

АРДА БИ

 

Қатысты жаңалықтар

Жұмылдыру дайындығы не үшін қажет және әркім нені білуі керек?

Жұмылдыру дайындығы не үшін қажет және әркім нені білуі керек?

21 қараша 2026
Бақтыбай ауылында Мәдениет үйі есігін ашты

Бақтыбай ауылында Мәдениет үйі есігін ашты

21 қараша 2026
Қазақстанның курорттық аймақтарында туристік қызметтер көлемі артуда

Қазақстанның курорттық аймақтарында туристік қызметтер көлемі артуда

20 қараша 2026
Алакөл аудандық мәслихатының депутаттығына кандидат Каримов Досан Елжанұлы

Ақсу аудандық мәслихатының депутаттығына кандидат Қалиақпаров Бауыржан Есболатұлы

20 қараша 2026
Алакөл аудандық мәслихатының депутаттығына кандидат Каримов Досан Елжанұлы

Алакөл аудандық мәслихатының депутаттығына кандидат Каримов Досан Елжанұлы

20 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.