Елордада 1 қараша мен 10 желтоқсан аралағында өткен «WordSkills Kazakhstan – 2021» VI республикалық кәсіби шеберлік чемпионатының жабылу рәсімі өтті.
Шара аясында еліміздің әр өңіріндегі 188 колледж бен жоғары оқу орындарының студенттері қатысқан бәсекеде топ жарған жеңімпаздар марапатталды. Аталған сайысқа Талдықорған жоғары политехникалық колледжі 23 құзіреттілік бойынша қатысып, өз жетістіктерін көрсетті. Нәтижесінде, Талдықорған жоғары политехникалық колледжінің студенттері 1 күміс, 3 қола медаль жеңіп алды.
«Фотосурет» құзіреттілігі бойынша Әлішер Құттыбекұлы Мұқаш пен Нұрлыбек Жеңіс күміс жүлде, ал «Прототиптеу» құзіреттілігі бойынша Мирас Баяхметов пен Санжар Өмірбаев, «Бейнемонтаж» құзіреттілігі бойынша Жігер Берліғожа, Әли Ратаев, «Киберқауіпсіздік» құзіреттілігі бойынша Назар Әлбосынов пен Тимур Баймұханбетов қола медалмен мараппатталды. Нәтижелер жаңа халықаралық жүйе бойынша бағаланды.
Айта кетерлігі, осы жылдың жеңімпаздары келесі жылы Қытайдың Шанхай қаласында өтетін халықаралық байқауға қатысып, бақ сынайтын болады.
Қажет АНДАС
Алматы облысы
