Жаңа жыл жақындаған сайын балалар әлдебір ғажайыпты күтетіні рас. Олар үшін әр мереке қуаныш. Осыған орай қала әкімі Ернат Бәзіл балаларға мерекелік көңіл-күй сыйлау мақсатында Өтенай ауылындағы Мәдениет үйіне барып, жеткіншектерді Жаңа жылымен құттықтады. Қала әкімінің шыршасына 700 бала қатысты.
Жаңа жылдық шара балалардың мерекелік концертінен бастау алды. Бірі би билеп, екіншісі ән айтып өнерлерін ортаға салды. Қатысушылар балалардың өнеріне тәнті болды.
Осыдан кейін қала әкімі: «Барлығың осы жылы жақсы оқып, спорттық жетістіктерге жетіп, жаңа жылды қуанышты көңіл-күймен қарсы алғалы отырсыңдар. Жаңа жылда жаңа табыстарға қол жеткізіп, жаңа білімді игеріңдер. Армандарың орындалып, Тәуелсіз елімізбен бірге өсіп-өркендей беріңдер. Сендердің шат күлкілерің мен бақытты балалық шақтарың біз үшін үлкен байлық. Бақытты сәттерің көп болып, жүректерің мейірімге толсын», – деп мерекелік лебізін білдіріп, бүлдіршіндерге тәтті сыйлықтар берді.
Балаларға жаңа жылдық көңіл-күй сыйлау үшін биыл алғаш рет Алматы қаласынан Қазақ мемлекеттік циркі арнайы келіп, өз өнерін ұсынды.
Айдар ҚАЛИЕВ
Фото. Жұмабай МҰСАБЕКОВ
