Кетерімді сезгендей боп от қала,
Сапарымды дайындады оқтала.
Екі күнде аттың басын бұрамын
Күлші қане, енді мені жоқтама…
(Күле берші, тағы да күл, тоқтама!)
Құстар сайрап, күн жылынып кеткен-ді,
Ескі қала маған неге кектенді?
Бір ай бойы қақап тұрған аяз да,
Бір-ақ күнде тастап кетті көк белді.
Тағы маған жиған қандай сыйың бар,
Сыйлығымның қызыл жібін қиыңдар.
Қызыл күнді көрсетпеуші ең кеш бата
Көрсетіңдер, кереметті жиыңдар.
Мазақ қылшы, тағы мені, мазақ қыл,
Қарт қаланың кектенгені азақ бұл.
Сәлем жолдап, ауылына аттандыр
Аттандыршы, қарт қалаңды азат қыл.
Кеңге салма арқаңды, керімденбе,
Хақым да жоқ, шет жүріп шегінгенге!
Жыл құсындай мен қайта оралармын,
Хәлін біліп, табыстап, жерімді елге!
Керімденбе, қарт қалам, керімденбе!
Шалқар Ақсақал
ЖУ-дың 4-курс студенті
Фото: mega-u.ru
