Жетісу облысы бойынша Ішкі мемлекеттік аудит департаменті 2026 жылдың қаңтар-қыркүйек айларында атқарылған жұмыстардың қорытындысын шығарды. Есепті кезеңде қаржылық тәртіпті сақтау, бюджет қаражатының заңды әрі тиімді пайдаланылуын қамтамасыз ету және заң бұзушылықтардың алдын алу мақсатында ауқымды жұмыстар атқарылды. Бұл жөнінде Жетісу облысы бойынша ішкі мемлекеттік аудит департаментінің басшысы Қордай Бекмурзин айтты.
Тоғыз ай ішінде Департамент 48 аудиторлық іс-шара өткізіп, 17,9 миллиард теңге көлеміндегі қаражатты қамтыды. Тексерулердің басым бөлігі, атап айтқанда 60,4 пайызы (29 іс-шара) жеке және заңды тұлғалардың өтініштері негізінде жүзеге асты. Жүргізілген жұмыстардың нәтижесінде жалпы сомасы 9,8 миллиард теңгені құрайтын бұзушылықтар анықтады. Оның 1,16 миллиард теңгесі қаржылық бұзушылықтарға тиесілі болса, қалған бөлігі рәсімдік сипатта.
Қордай Азатұлы өз сөзінде: – Анықталған заң бұзушылықтарды жою бағытында тиісті шаралар қабылданып жатыр. Атап айтқанда, бюджетке қайтарылуы тиіс 321,4 миллион теңгенің 98,6 миллион теңгесі өтелді, ал қалпына келтірілуі тиіс 326 миллион теңгенің 189,1 миллион теңгесі өз орнына келді, сондай-ақ, 509,2 миллион теңгенің қаражаты бухгалтерлік есепте толық көрсетілді. Мемлекеттік аудит объектілеріне 44 нұсқама жолданып, бүгінгі таңда оның 33-і толық орындалды. Тәртіптік жауапкершілікке 42 лауазымды тұлға тартылды. Төрт нұсқама бойынша материалдар облыстық прокуратураға жолданып, бір дерек бойынша қылмыстық іс қозғалды. Бұдан бөлек, Департамент мамандары прокуратура органдарының тексерулеріне қатысып, 13 қорытынды әзірледі. Бюджет қаражатының жұмсалудың камералдық бақылау аясында 311,4 миллиард теңге сомасындағы 16 800 лот қамтылып, жоспарлы көрсеткіш 99,8 пайызға орындалды. Анықталған кемшіліктерді жою мақсатында 1 797 хабарлама жолданып, оның 98 пайызы орындалды. Қаржылық тәуекелдердің алдын алуға бағытталған онлайн-бюджеттік мониторинг нәтижесінде 2,95 миллиард теңгені құрайтын 11 516 объектінің тәуекелді төлемдері талданды. Сонымен қатар жыл басынан бері 32,2 миллион теңге сомасында 274 әкімшілік айыппұл салынып, оның 94,9 пайызы немесе 30,6 миллион теңгесі өндіріп алды, – деді.
Азаматтардың өтініштері мен хат-хабарларымен жұмыс та ерекше назарда. «е-Өтініш» жүйесі арқылы түскен 569 өтініштің 478-і қаралып, 87-сі тиісті органдарға жолданды. Алдағы уақытта Департамент мемлекеттік аудит сапасын арттыру, электрондық форматты кеңейту, сыбайлас жемқорлыққа қарсы іс-қимылды күшейту және бюджет қаражатының мақсатты жұмсалуын қадағалау бағытындағы жүйелі жұмыстарын жалғастырмақ.
«Жетісу-Ақпарат».
