Ескелді ауданындағы 500-ге жуық тұрғыны бар Жаңалық ауылы бес жыл бұрын алкоголь өнімдерін сатудан және тұтынудан бас тартқан. Бүгінде елді мекен қоғамдық тәртіп пен татулықтың үлгісіне айналып отыр, – деп хабарлайды 7-su.kz ақпараттық порталы.
Ақсақалдар мен ауыл тұрғындарының бастамасымен қабылданған шешімнің нәтижесінде соңғы бес жыл ішінде ауылда бірде-бір қылмыс тіркелмеген.
Жаңалық ауылы Жетісу облысында ішімдіктен бас тартқан 30 елді мекеннің қатарына кіреді.
Ресми мәліметке сәйкес, қоғамдық қауіпсіздікті қамтамасыз ету бағытында учаскелік полиция инспекторы тұрғындармен тұрақты түрде жұмыс жүргізіп келеді.
«Қоғамдық қауіпсіздікті сақтауға тұрғындармен тығыз жұмыс жүргізетін учаскелік полиция инспекторы үздіксіз үлес қосып келеді. Бүгінде ауыл бірлік, жауапкершілік және ұлттық құндылықтарға сүйене отырып, қауіпсіз қоғам құрудың жарқын үлгісін көрсетіп отыр», – делінген хабарламада.
