Оқи отырыңыз
Жетісу облысының орталығы Талдықорған қаласында қала күні қарсаңында жас кәсіпкер Нұрдәулет Ақкөз пластикалық құбыр шығаратын цехын іске қосты.
Аталмыш цех су, газ, электр желілеріне арналған пластикалық құбырларды шығаруды бастады. Осылайша, тәулігіне 140 тоннаға дейін өнім шығаруға қауқары бар цех отандық өнімдерін еліміздің барлық аймағына қолжетімді бағада шығаруды бастады.
Аумағы 600 шаршы метрді құрайтын цехта 4 адам тұрақты жұмыспен қамтылған. Олардың барлығы жергілікті азаматтар.
Жас кәсіпкер Нұрдәулеттің сөзінше болашақта пластикалық бұйымдарды қайта өңдеу цехы мен күнделікті тұтынуға арналған салафан қабын шығаруды көздеп отыр.
Айта кетейік, жас кәсіпкер цех жұмысын бастауы үшін 106 млн.теңге болатын қаражат салған.
