Оқи отырыңыз
Кербұлақ ауданында нөсер жаңбырдан кейін қатты сел жүрді.
Селдің видеосы желіде тарады. Алматы облысының төтенше жағдайлар департаментінің мәліметінше, сел сағат 16.00-ден 17.00-ге дейін Кербұлақ ауданы Көксу ауылдық округінде болған.
«Көксу шатқалында жаңбыр мен бұршақ түріндегі қатты жауын-шашынның салдарынан балшық ағыны жүріп өтті. Осыған байланысты Көксу орман шаруашылығының бірінші кордонына апаратын жол жабылды. Қазір сел тоқтады. Жол тазартылды. Зардап шеккендер жоқ», - деп хабарлады облыстық төтенше жағдайлар департаменті.
Алматы облысының төтенше жағдайлар департаменті күн сайын облыс аумағында өткінші жаңбыр жауып, найзағай ойнап, жел болатыны туралы ескерту жариялады.
"ЖЕТІСУ-АҚПАРАТ"