Қазгидромет әдеттегідей 25 мамыр күнгі ауа райына да болжам жасады. Атмосфералық бөліктердің өтуімен ел аумағында ауа сапасы да тұрақсыз болады, деп хабарлайды 7-su.kz желілік басылымы.
Елдің батысында, солтүстігінде, оңтүстігі мен оңтүстік-шығысында найзағай ойнап, жаңбыр жауады.
Республиканың қалған аймақтарында солтүстік антициклон жотасының әсерінен жауын-шашынсыз, ашық күн райы күтіледі.
Барлық өңірде жел күшейіп, батыс пен оңтүстікте шаңды дауыл сақталады.
Сондай-ақ Павлодар облысының басым бөлігінде, Қызылорда облысының шығысында, орталығында, Қарағанды облысының шығысында, Ұлытау облысының орталығында, Қостанай облысының оңтүстігінде, Атырау облысының оңтүстігінде, шығысында, Абай облысының солтүстігінде төтенше өрт қаупі сақталады.
Фото: ашық дереккөзден