Оқи отырыңыз
Талдықорғандағы перинаталдық орталыққа шаһар басшысы Ернат Бәзіл арнайы барып, Республика күні дүниеге келген сәбилердің аналарын құттықтады.
Бұл күні орталықта 7 бала дүниеге келген. Оның 4-уі ұл, 3-уі қыз. Жарық дүниеге сәби әкелген аналардың хал-жағдайын білген Ернат Дүйсенбекұлы ұлттық мерекеде сәби сүйген аналарға мықты денсаулық тіледі.
Дәл осы сәтте тағы бір ананың толғағы басталып, дәрігерлер жарық дүниеге келгісі келген бөпені аман-есен тудырып алудың қамына кірісіп кетті.
Қала әкімі Ернат Дүйсенбекұлы мерейлі мерекеде жарық дүниеге келетіндер санының әлі де өсетініне қуанышын білдіріп, ана мен балаларға сыйлық үлестірді.
Өз тілшіміз
Фото: Руслан Қадыров
