Оқи отырыңыз
Бұл – бірінші кезекте, кәсіпорын басшылығының кінәсі. Бұл туралы үкімет отырысында Премьер-министр Әлихан Смайылов айтты, деп хабарлайды 7-su.kz желілік басылымы BAQ.KZ сайтының дерегіне сүйеніп.
Үкімет басшысы Мемлекет басшысының Костенко шахтасында кеншілердің қаза болуына байланысты тергеу жұмыстарын жүргізіп, «АрселорМиттал Теміртау» компаниясымен инвестициялық ынтымақтастықты тоқтату туралы тапсырмасына тоқталды.
Осындай апат биыл тамыз айында да болған.Ол кезде 5 шахтер қаза тапты. Көптеген адам өліміне әкеп соққан апат өндірістегі қауіпсіздік талаптарының сақталмауымен тікелей байланысты.
Бұл – бірінші кезекте, кәсіпорын басшылығының кінәсі. Олар компания жұмысынан өздерін шеттетіп тастаған. Мұндай әрекетсіздіктің салдары бірнеше жылдар бойы қайғылы жағдайларға әкеп соғуда. Компания өз міндеттемелерін орындаған жоқ, – деді Смайылов.
Фото: Үкімет баспасөз қызметі
