Оқи отырыңыз
Жетісу өңіріндегі банктердің бірінде зейнеткер несиесін төлей алмағандықтан өз-өзіне қол жұмсамақ болды, деп хабарлайды 7-su.kz желілік басылымы.
Бұл жағдай әлеуметтік желі арқылы жария болды.
"Күндіз Абылай хан көшесіндегі банк бөлімшелерінің бірінде әйел қолын ұстараның жүзімен тілгілеген. Оған несиені төлей алмауы себеп болған", – делінген хабарламада.
2023 жылғы 13 қазанда полиция бұл ақпаратты растап, 74 жастағы әйелдің сол жақ білегі тілінгенін анықтады.
"Жәбірленуші ауруханаға жеткізілді, онда қажетті медициналық көмек көрсетілгеннен кейін науқасқа амбулаторлық емдеу ұсынылды. Қалалық полиция қызметкерлері жарақаттың себебі мен барлық мән-жайды анықтап жатыр", - деді Жетісу облысы ПД баспасөз қызметі
Сондай-ақ полиция өкілі ҚР ҚК 105-бабы ("Өзін-өзі өлтіруге оқталу") бойынша қылмыстық іс қозғалып, ол облыстық департаменттің бақылауына алынғанын мәлім етті.
Сурет: pixabay
