2026 жылғы 14 тамыз күні сағат 19:30 шамасында Талдықорған қаласында қоғамдық тәртіпті қамтамасыз ету қызметін атқарып жүрген 5514 әскери бөлімінің әскери жасағы «Жетісу-02» бағыты бойынша қызмет атқару барысында азаматқа көмек көрсетті.
№3–4 бақылау нүктелерінің арасында азамат Иванов Р. турникке көтеріліп жатты. Алайда абайсызда тепе-теңдігін жоғалтып, жерге құлап, есінен танып қалды.
Оқиғаны бірден байқаған әскери жасақ қызметкерлері уақыт жоғалтпай азаматқа алғашқы медициналық көмек көрсетті. Әскери қызметшілердің шұғыл әрі үйлесімді әрекетінің арқасында азаматқа қажетті көмек көрсетіліп, кейін жедел жәрдем қызметкерлеріне тапсырылды.
Қоғамдық тәртіпті сақтау ғана емес, азаматтардың қауіпсіздігі мен өміріне қауіп төнген жағдайда дер кезінде көмек көрсету – әскери қызметшілердің басты міндеттерінің бірі.
Оқиға кезінде әскери жасақ бастығы ефрейтор Құрбанғали Жарқын Ерланұлы, патрульшілер ефрейтор Шакарбек Нүрбек Нұрланұлы және қатардағы жауынгер Мамедов Али Чингизогли өздерінің қызметтік міндеттерін жоғары деңгейде атқарып, шұғыл шешім қабылдай білді.
Әскери қызметшілердің мұндай жауапты әрекеті – ел тыныштығын күзетіп жүрген Ұлттық ұлан жауынгерлерінің әрдайым халықпен бірге екенін және кез келген жағдайда көмек көрсетуге дайын екендігін көрсетеді.
