2026 жылғы қаңтар-қыркүйек айларында Қазақстанда 827,8 мың тонна өсімдік майы өндірілді. Бұл өткен жылдың сәйкес кезеңімен салыстырғанда 25,2%-ға көп. Былтыр осы уақытта өндіріс көлемі 661 мың тоннаны құраған, – деп хабарлайды 7-su.kz ақпараттық порталы.
Өсімдік майының негізгі бөлігі Шығыс Қазақстан, Абай, Солтүстік Қазақстан және Ақмола облыстарында, сондай-ақ Алматы мен Шымкент қалаларында өндіріледі.
Экспорт көлемі де артқан. 2026 жылғы қаңтар-тамыз айларында шетелге 704,7 мың тонна өсімдік майы жөнелтілді. Бұл 2025 жылдың сәйкес кезеңімен салыстырғанда 39,7%-ға жоғары.
Ал импорт көлемі керісінше төмендеді. Есепті кезеңде Қазақстанға 128,3 мың тонна өсімдік майы әкелінді. Бұл өткен жылдың осы кезеңімен салыстырғанда 6,4%-ға аз.
Ішкі нарықта 2026 жылғы қаңтар-тамыз айларында 176,9 мың тонна өсімдік майы сатылды.
