Мемлекеттік қызмет істері агенттігінің облыс бойынша департаментімен жергілікті атқарушы органдардың персоналды басқару қызметі (кадр қызметі) басшыларының және Әдеп жөніндегі уәкілдердің қатысуымен ZOOM платформасы арқылы «Құқықтық сауаттылық» жобасы аясында семинар-конференция өтті.
Басқосу барысында мемлекеттік қызметшілердің тәртіптік жазалары және тәртіптік жазаны қолдану тәртібі айқындалып, мемлекеттік қызмет заңнамасын және қызметтік әдеп нормаларын түсіндіру арқылы құқықтық сауаттылығын арттыру мәселесіне назар аударылды.
Мемлекеттік қызметшілер қоғам тарапынан қойылатын талаптарға сай болуы тиіс. Олардың басты міндеті – азаматтардың қоғамдық мүдделері үшін қызмет ету. Сол себептен мемлекеттік қызметшілер құқықтық нормаларды ұстануы қажет. Қазіргі қоғам, әсіресе оның мемлекеттік жүйесі азаматтар арасында, тіпті мемлекеттік қызметкерлер арасында құқықтық сауаттылықтың жоғары деңгейін талап етеді. Өйткені оларға заңдардың қабылдануы мен орындалуы ғана емес, сонымен бірге елде құқықтық мәдениеттің құрылуы да байланысты. Құқықтық сауаттылық заңдар мен нормативтік актілерді білу мен түсінуді, сондай-ақ оларды практикалық қызметте қолдану қабілетін білдіреді. Мемлекеттік қызметшілер үшін бұл өз кәсіби саласындағы заңнаманы, олардың қызметін реттейтін нормативтік-құқықтық актілерді, сондай-ақ адам құқықтары мен мемлекеттік басқарудың базалық қағидаттарын білуді қамтиды.
Мемлекеттік қызметшілер азаматтардың құқықтары мен мүдделерін қорғау алдыңғы қатарда. Олардың әрекеттері тиімді ғана емес, сонымен қатар заңды болуы керек. Заңды білу мемлекеттік қызметшілерге тиімділік пен дәлдікпен жұмыс істеуге мүмкіндік береді. Бұл құқықтық қателіктерден аулақ болуға және шешім қабылдау процесін жеделдетуге көмектеседі. Мемлекеттік қызметшілердің жеке бастамасы да маңызды. Жаңа заңдар мен ережелерді үнемі оқып отыру кәсіби деңгейді сақтап қана қоймай, жұмыс орнында жеке тиімділікті арттыруға көмектеседі. Мемлекеттік қызметшілерге арналған заманауи электрондық дерекқорларға, заңдық анықтамалықтарға және консультациялық қызметтерге қол жеткізу де құқықтық сауаттылық деңгейін айтарлықтай арттыра алады. Мемлекеттік қызметшілер арасында құқықтық сауаттылық деңгейін арттыру мемлекеттік органдар үшін басты міндет болуы тиіс. Өйткені бұл мемлекет пен оның азаматтарының болашағының жарқын көрінісі.
Қобыланды МАНАП,
Қазақстан Республикасы Мемлекеттік қызмет істері агенттігінің
Жетісу облысы бойынша департаментінің басшысы
Фото: Gov.kz
