Жетісу облысының аграршылары су тапшылығының кесірінен егінсіз қалуы мүмкін, деп хабарлайды 7-su.kz желілік басылымы КТК арнасына сілтеме жасап хабарлайды.
Облыста суару каналдарының жағдайы нашар. Ұзақ уақыт бойы олар жергілікті биліктен мәселені шешуді сұрайды. Шенеуніктер жағдайды түзетуге уәде берді.
“Қажетті мөлшерде су жоқ. Көктемде суға батамыз, ал жазда бір тамшы су көрмейміз”, – деді фермер.
Фермер Сергей Панин үш жыл қатарынан суарудан зардап шегуде. 2020 жылы олар осы мәселемен жергілікті билікке жүгінді. Олар жаңа су құбырларын орнатып, мәселені шешеді деген. Бірақ темірбетон конструкциялары арнаның бойында жатыр.
“Олар қант қызылшасын отырғызуды сұрайды, бірақ оны бір маусымда кем дегенде алты рет суару керек. Ал бізде оған жағдай жоқ. ММына жасаған құбырлары тұр, міне. Соя, жүгері кезеңінде жоғарғы арналар ашылады және біздегі арна құрғақ болады. Бізге су жетпейді. Қазір су болғанымен, жазда ол жер астына сіңіп кетеді. Жоғарыдан олар бізге үш текше су берсе, бізге бір текшесі ғана жетеді”, – дейді Сергей Панин.
Су жетіспеушілігі дақылдарға қатты әсер етеді. Өткен жылы кейбір шаруашылықтар егіннің 30%-н жоғалтты. Биылғы маусымда жағдай одан да нашарлауы мүмкін.
Суару желілерінің жағдайы жергілікті инфрақұрылымға да әсер етеді. Тұнба мен қоқыстың салдарынан каналдан шыққан су егістіктер бойындағы жолдарды шайып кетеді.
“Судың босқа ағып жатқаны ашуландырады. Себебі дұрыс шлюз жоқ. Мұнда 300 гектар жерде 15 шаруа қожалығы жұмыс істейді. Бұл онша көп емес шығар, бірақ біз де отандық ауыл шаруашылығына үлес қосудамыз”, – деді фермер Хасанғазы Есімов.
Шенеуніктердің айтуынша, өңірде суару жүйесін жақсарту бойынша жұмыстар жүргізілуде. Қазір қайта құру тоқтатылды. Қаражаттың жетіспеуіне байланысты жобаға түзетулер енгізілді.
“Жобаны іске асыру 2020 жылы басталды. 2020, 21-жылдары бір миллиард 89 миллион теңге игерілді. Бүгінгі таңда нысанның дайындық деңгейі – 60%. Суару желілерінің толық жұмыс істеуі үшін 2 миллиард 209 миллион теңге қажет. Қазір экология министрлігіне және жергілікті бюджетке жүгінеміз”, – деп мәлімдеді Жетісу облысының құрылыс басқармасы басшысының орынбасары Айбек Нұржанов.
Олар бастапқыда қажетті соманы неге есептемегендерін түсіндіре алмады. Олар барлық жұмыстарды келесі жылдың соңына дейін аяқтауды жоспарлауда.
Фото: бейнесюжеттен скриншот
