Алматы облысында 300 кәсіпкерлік нысаны «Ashyq» жобасы бойынша жұмыс істеуге көшті. Бұл туралы облыстық кәсіпкерлер палатасының директоры Әсет Шаяхметов мәлімдеді.
Оның айтуынша, «Ashyq» жобасы алдымен Талдықорғанда енгізіліп, кейін облыстың барлық ауданы мен қалаларында жалғасты. «Ashyq» бойынша жұмыс істейтін 300 нысанның 207-сі жоба қатысушылары болып табылады, 93-і сынақ режимде жұмыс істейді.
«Қазір «Ashyq» жобасы бойынша қоғамдық тамақтану нысандары ғана емес, сонымен қатар, мәдениет, қонақүй бизнесі, сауналар мен моншалар, фитнес-орталықтар, компьютерлік клубтар жұмыс істейді. Жобаға қатысушы нысандар демалыс күндері барлық санитарлық нормаларды сақтай отырып жұмыс істей алады. Оған қатысу ерікті түрде жүргізілетінін атап өту керек. Сұрақтар туындаған жағдайда біздің мамандар кеңес беріп, өтінім беруге көмектесуге дайын. Сондай-ақ, мессенджерлерде талқылау және техникалық сұрақтарды шешу үшін чаттар мен каналдар құрылған», – деді облыстық кәсіпкерлер палатасының директоры Әсет Шаяхметов.
Бүгінгі күні белгіленген санитарлық нормаларды бұзған бір кәсіпкерлік нысаны «Ashyq» жобасынан шеттетілуі мүмкін. Мониторинг жұмыстары барысында кәсіпкерлер арасында барлық талапты сақтамағандар да анықталды. «Apriori» мейрамхана кешенінде 15 адамға арналған ауызашар отбасылық іс-шарасын өткізу дерегі анықталды. Нысан «Ashyq» жобасының қатысушысы болып саналады және бүгінде мейрамхана кешенін жобадан 2 аптаға алып тастау туралы мәселе көтерілуде. Заңбұзушылық қайта анықталған жағдайда нысан 2 айға шеттетіледі», – деді Талдықорған қаласы бойынша санитарлық-эпидемиологиялық бақылау басқармасы басшысының орынбасары Сәкен Мелдебаев.
Облыс бойынша «Ashyq» жобасына қатысушылардың тізімі өңірлік әкімдіктердің сайтында жарияланған. Облыстық кәсіпкерлер палатасы бизнес-қауымдастықпен түсіндіру жұмыстарын жалғастыруда және жобаға қатысуға ниет білдірушілердің тізімін жасақтауда. «Ashyq» қосымшасына қатысты барлық сұрақ бойынша «Атамекен» ӨКП-ға мына телефон арқылы хабарласуға болады: +77755945977 (Дана Дәулетқызы), +77758946061 (Ақерке Нұрдәулетқызы).
Диас БЕЙСЕНБЕК,
Алматы облыстық кәсіпкерлер палатасының баспасөз хатшысы
