Әлемді жайлаған мына аты жаман індет келіп, қаншама қандастарымызды жалмады, қаншасы қатты ауырып, сансырап қалды десеңізші?!
Солардың ішінде Кербұлақ ауданы Бостан ауылының тұрғыны, бауырымыз Ерғали да қатты ауырып, апталап жансақтау бөлімінде жатып, әзер есін жиды. Бауырымыздың есін жыюына себепкер болған – Кербұлақ ауданының жұқпалы аурулар жататын ауруханасының дәрігерлері. Ақ халатты абзал жандар, өз ісінің білгір мамандары, адам жанының арашашысы дәрігерлердің көмегі зор. Соның ішінде атап өтсек, бас дәрігер Қанат Абдрахмановқа, дәрігерлер Индира Жиенбаева, Талғат Серікбаев, Дастан Қасымов, ауыл фельдшері Ләззат Сүлейменова, бас медбике Назгүл Нұрахметова, мейірбикелер Айгүл Жетібаева, Данышпан Бакеева, тазалықшылар Тұрсынай Балабекова, Мира Бакеева, буфетші Сәуле Илікбаева есімді жандарға айтар рақметіміз шексіз. Баршаңызға денсаулық, күш-қуат тілейміз. Ауырып қалған адамдарды емдеп, көмек беріп, алғыс арқалап жүре беріңіздер.
Барлық дәрігерлер қауымына алғысын білдірушілер:
Ерғали Баймұхамбетовтың іні-қарындастары, балалары
