Адам- ның асыл қасиеттері мен адами болмысы отбасында қалыптасады. Отбасы – бақыт мекені. Әр шаңырақтың іргесі мықты, босағасы берік болмай, мемлекеттің мығым болуы мүмкін емес. Отбасының берік болуы – әр жанұя мүшелерінің өз жауапкершілігін терең сезінуіне тікелей байланысты. Ал отбасындағы басты құндылық ұлттық тәрбие болуы тиіс. Өйткені, бала болаша- ғы бір отбасының ғана емес, халықтың, бүкіл ұлттың ертеңі.
Бала тәрбиесі отбасынан бастау алады. «Ұяда не көрсең, ұшқанда соны ілерсің» деген аталы сөз бұл ойымызды растайды. Отбасында алған тәлім- тәрбие, үлгі-өнеге арқылы еліне, жеріне, Отанға деген сүйіспеншілік сезімі орнығады.
Ата-бабамыз «Балаңды беске дейін патшадай күт, он беске дейін қосшыңдай жұмса, он бестен кейін досыңдай сырлас» деп тәрбие жолында дұрыс бағыт бере білген. Ата-ананың, басқа да отбасы мүшелерінің жүріс-тұрысы, жалпы өмір сүру дағдысы, бір-бірін құрметтеп сыйлауы – бәрі де бала үшін үлгі-өнеге. Қазақ отбасыларында қалыптасқан жасы кішінің үлкенді сыйлауы, «сен» демеуі, әке тұрып ұлдың, шеше тұрып қыздың орынсыз сөйлемеуі үлкен тәр- бие мектебі деуге болады.Үлкенді құрметтеу – отбасы мүшелерінің бойында жауапкершілік сезімдерін қалыптастырады.
Бүгінгі таңда елімізде орын алған карантиндік жағдай отбасын бұрынғыдан бетер біріктіре түсті. Әрбір бала отбасындағы жылуды, жауапкершілікті, жақындықты сезінді. «Отбасы жемісі – тәрбиелі ұл мен қызы» дегендей, қазақтың әрбір отбасында ұрпағымыз ұлағатты болып өскенін тілейік.
Ә. БАЙДУЛАТОВА,
№3 Кеген орта мектеп-лицейінің мұғалі
