Білім жолындағы алғашқы қадам
Халел 2009–2012 жылдар аралығында Жетісу университетінде заңгер мамандығы бойынша білім алып, студент кезінде-ақ болашақ кәсібіне байыппен қарап, корпоративтік құқық саласында мансап құруды мақсат етті. Екінші курстан бастап ол экономикалық сотта тәжірибеден өтіп, болашаққа нақты қадам жасады.
Ағылшын тілі – табыс кілті
Ағылшын тілінің маңызын түсінген Халел өз бетінше тіл үйреніп, университет жанындағы English Speaking Club-қа тұрақты түрде қатыса бастады. Нәтижесінде ол екі жыл ішінде IELTS емтиханынан 7.0 балл жинап, халықаралық деңгейдегі білімге жол ашты.
Халықаралық тәжірибе мен мансап
Бакалавриатты тәмамдаған соң ол халықаралық құқық магистратурасына түсіп, заңгерлік фирмада жұмыс істей жүріп оқу ақысын өзі өтеді. Кейін Big4 құрамындағы ірі халықаралық компанияда қызмет етіп, Қазақстандағы бизнеске корпоративтік кеңес берумен айналысты. Халел корпоративтік құқыққа қатысты көптеген кәсіби материалдарын қазақ, орыс және ағылшын тілдерінде жариялап жүр.
АҚШ-тағы жаңа кезең
2023 жылы Халел АҚШ пен Ұлыбританияның бірнеше беделді университетінен шақырту алып, Чикагодағы заң магистратурасына 75% грантпен оқуға түсті. Қазіргі таңда ол Иллинойс штатының Прокурорлар басқармасында (Attorney General Office of Illinois) қылмыстық және азаматтық істер бойынша прокурор көмекшісі болып қызмет атқарады.
Жастарға арналған кеңесі:
– Өзіңізге сеніңіз – тіпті ешкім сенбесе де, сенім сіз үшін басты күш.
– Қателіктен қорықпаңыз – әрекетсіздік одан да қауіпті.
– Әрдайым талап етілгеннен көбірек жасаңыз.
«Ертеңіңіз бір жылды өзгертуі мүмкін, ал кеше алыста қалған бес жылдай көрінеді. Қазірден бастаңыз», – дейді Халел Туғанбаев.
