Мемлекеттік рәміздер күніне орай, ҚР ҰҚК Шекара қызметі Жетісу облысы бойынша департаментіне қарасты Алакөл ауданы бойынша шекара басқармасы Достық шекара бөлімінің жеке құрамы ауыл тұрғындарымен бірге маңызды іс-шараға қатысты.
Мемлекеттік рәміздерге деген құрмет пен патриоттық рухты дәріптеу мақсатында ұйымдастырылған салтанатты митингке Достық ауылдық округінің әкімдігі, Ішкі істер бөлімінің өкілдері, қоғамдық ұйымдар және Ауған соғысының ардагерлері атсалысты.
Іс-шара барысында көк байрағымыз көкке көтеріліп, Елтаңба мен Әнұранның маңыздылығы, олардың ұлт бірлігін бекемдеп, болашақ ұрпаққа аманат екені туралы мазмұнды баяндамалар жасалды. Ардагерлер жастарға өздерінің әскери өмірінен сыр шертіп, елге адал қызмет етудің абыройлы борыш екенін жеткізді.
Достық шекара бөлімінің әскери қызметшілері аталмыш мерекені асқақ рухпен қарсы алып, еліміздің тәуелсіздігі мен тұтастығын қорғаудағы өз міндеттерін терең сезінетіндіктерін көрсетті. Бұл шара шекарашылардың азаматтық жауапкершілігі мен отансүйгіштік сезімін одан әрі нығайтуға сеп болды.
ҚР ҰҚК Шекара қызметі Жетісу облысы бойынша депаратаменті
