Жетісу облысында биыл қызметтік иттердің көмегімен 100 қылмыс ашылды, – деп хабарлайды 7-su.kz ақпараттық порталы Polisia.kz сайтына сілтеме жасап.
Жетісу облысы полиция департаментінің кинология қызметінде бүгінде 23 қызметтік ит бар. Олар құқық бұзушылықтың алдын алуда және ашуда маңызды рөл атқарады.
Жыл басынан бері қызметтік иттер 900-ге жуық оқиға орнына жұмылдырылып, олардың көмегімен 100 қылмыс ашылды. Оның ішінде 20 факті – есірткі қылмыстарына қатысты анықталған.
Қазіргі таңда жас иттерді қызметке бейімдеу және арнайы дағдыларға үйрету белсенді жүргізілуде. Тәрбиеленіп жатқан иттер есірткі заттарын анықтау, жарылғыш заттарды табу, із кесу және одорология (иіс арқылы қылмыскерді тану) бағыттары бойынша арнайы оқу-жаттығу курстарынан өтуде.
