Соңғы бес жылда Қазақстандағы электронды сауда (e-commerce) көлемі 7 есеге өсіп, 3,2 трлн теңгеге жетті. Бұл — елдегі бөлшек сауданың 14,1%-ын құрайды. Бұл туралы Сауда және интеграция министрлігі Пәкістан Ислам Республикасында өткен «Электронды коммерция арқылы логистика мен бизнеске қол жеткізу» атты халықаралық саммит аясында хабарлады.
Саммитте Қазақстан Республикасының Сауда және интеграция министрлігіне қарасты Электрондық және биржалық сауда департаментінің директоры Ғалия-Бану Мейрбаева цифрлық сауда саласындағы жетістіктер мен жоспарлар туралы баяндама жасады.
Электрондық сауданың маңызы мен болашағы
Қазақстан тарапынан цифрлық сауданың:
-
Экономиканы жаңғыртуға,
-
Экспортты кеңейтуге,
-
Өңірлік интеграцияны тереңдетуге ықпал ететін стратегиялық басымдық екені атап өтілді.
Сондай-ақ, жасанды интеллект пен виртуалды ассистенттерді енгізу:
-
Сыртқы сауда операцияларының тиімділігін арттырады,
-
Клиенттік сервистің сапасын жақсартады.
Саланың дамуына не ықпал етті?
-
Қазақстанда жоғары цифрлық қолжетімділік бар.
-
Финтех-инфрақұрылым жақсы дамыған.
-
8 миллионнан астам белсенді пайдаланушы, әсіресе жастар белсенді.
«5 жылдан кейін әрбір бесінші сатып алу онлайн режимінде жүзеге асады деп күтілуде», — деді Ғалия-Бану Мейрбаева.
Осы мақсатта 2025 жылға дейінгі электронды сауданы дамыту жоспары бекітілді. Жоспар келесі бағыттарды қамтиды:
-
Заңнаманы жетілдіру;
-
Халыққа арналған білім беру бастамалары;
-
Кәсіпкерлерге қаржылық қолдау шаралары;
-
Заманауи логистикалық инфрақұрылымды дамыту.
Халықаралық әріптестік және заңнамалық қолдау
Қазақстан:
-
Тұтынушылардың құқықтарын қорғауға,
-
Нарық қатысушылары үшін тең жағдай жасауға ерекше назар аударып отыр.
Ел:
-
ДСҰ, БҰҰ, ШЫҰ, ЕАЭО сияқты халықаралық алаңдарда трансшекаралық сауданы жеңілдету және қолайлы цифрлық орта құру бағытында белсенді жұмыс жүргізуде.
2025 жылғы сәуірде ҚР Сауда және интеграция министрлігі мен Пәкістан Ислам Республикасының Коммерция министрлігі арасында электрондық сауда саласындағы ынтымақтастық туралы меморандумға қол қойылды. Бұл — екіжақты стратегиялық әріптестікті тереңдетуге бағытталған маңызды қадам.
Қазақстан саммит барысында:
-
Тәжірибе алмасуға,
-
Бірлескен шешімдер әзірлеуге,
-
Өзара байланысты өңірлік сауда жүйесін қалыптастыруға мүдделі екенін білдірді.
Сауда және интеграция министрлігі:
«Экономикалық өсімді қамтамасыз ету және халықтың әл-ауқатын арттыру үшін ашықтық, технологиялық прогресс және халықаралық ынтымақтастықты нығайтуға бейілдіміз», — деп мәлімдеді.
