Үкімет отырысында Ішкі істер министрінің бірінші орынбасары Бауыржан Әленов көші-қон саласындағы заңнамалық өзгерістер мен жаңа айыппұл енгізу жоспарлары туралы мәлімдеді, — деп хабарлайды 7-su.kz ақпараттық порталы.
Оның айтуынша, Ішкі істер министрлігі көші-қон бақылауын күшейту бағытында заңнамалық базаны жетілдіріп жатыр.
«Өткен аптада елде 30 күннен астам уақыт болуды жоспарлаған шетел азаматтарын тіркеу институты, сондай-ақ ‘көші-қон қаупі бар’ елдерден келген адамдарға шақыру беруден бас тартуды ІІМ-нің құзыретіне енгізетін заңға қол қойылды,» – деді Әленов.
Сондай-ақ қазіргі таңда Әкімшілік құқық бұзушылық туралы кодекске түзетулер енгізу пысықталып жатыр. Атап айтқанда, шетелдіктерді тіркеу тәртібін бұзғаны үшін әкімшілік жауапкершілік қарастыру мәселесі көтерілуде.
Жаңа айыппұл түрі енгізілуі мүмкін
Бауыржан Әленовтің мәлімдеуінше, бұл шаралар елдегі көші-қон саясатын бақылауға алып, ұлттық қауіпсіздікті күшейтуге бағытталған.
