Жемқорлық – індет, жою – міндет. Бүгінде өзекті мәселелерінің бірі – сыбайлас жемқорлық. Бұл індетті жою үшін өңірімізде түрлі шара өткізілуде. Еліміздің қауіпсіздігі жемқорлықпен тікелей байланысты. Жемқорлықтың белең алуы тәртіптің әлсіреуінен туындауда.
Қоғам дертімен күресті тек заң қызметкерлері ғана жүзеге асырады деп бойымызды аулақ салмай, бірлесе күресу баршамыз үшін маңызды іс. Сыбайлас жемқорлық – ұлтымыздың қауіпсіздігіне, еліміздің халықаралық беделіне, азаматтардың конституциялық құқықтары мен бостандықтарына елеулі нұқсан келтіретін қауіпті құбылыс. Жемқорлықпен күрес кез келген қоғам үшін әрқашан өзекті әрі ғаламдық мәселе. Ал онымен күрестің тиімділігін арттыру кез келген мемлекеттің болашағы үшін стратегиялық мәнге ие. Әсіресе, бұл серпінді дамып келе жатқан және бәсекеге қабілетті әлем елдерінің қатарына кіруді мақсат етіп отырған біздің еліміз үшін өте маңызды.
Сыбайлас жемқорлықтың алдын алу – барша қазақстандықтардың міндеті болуы керек. Олай болса, әрбір азамат қоғамның жанашыры болып, жемқорлыққа қарсы күрес жүргізуге міндетті.
Батыйхан СҰЛТАНОВ
