Жетісу облысының орталығында ерекше форматтағы акция өтті – танымал блогер «optimist.hafiz» облыстық полиция департаментінің баспасөз қызметімен бірлесіп, тұрғындармен ашық әңгіме жүргізді, деп хабаралайды 7-su.kz ақпараттық порталы Polisia.kz сайтына сілтеме жасап хабарлайды.
Шараның негізгі мақсаты – азаматтардың полиция қызметіне деген көзқарасын білу, олардың жұмысын қалай бағалайтынын анықтау және халық сенімін арттыру арқылы құқық қорғау органдарының имиджін көтеру болды.
Көшедегі тұрғындар сауалнамаға белсенді қатысып, соңғы жылдары полиция қызметінің айтарлықтай жақсарғанын атап өтті. Көпшілік ашық диалогтың және кәсібиліктің қоғам мен полиция арасындағы сенімді қарым-қатынас орнатудағы маңызын ерекше атап өтті.
Кейбір қатысушылар өз ұсыныстарын білдіріп, полиция мен халық арасындағы байланыс пен өзара түсіністікті нығайту керектігін айтты.
Акцияның толық нұсқасын және тұрғындардың пікірлерін Жетісу облысы полиция департаментінің және «optimist.hafiz» блогерінің әлеуметтік желідегі парақшаларынан көруге болады.
