Мемлекет басшысы Қасым-Жомарт Тоқаев АҚШ Президенті Дональд Трамптың бастамасымен құрылған Бейбітшілік кеңесінің Жарғысына қол қойды.
Бұл турады 7-su.kz ақпараттық порталы Aqorda ресми Telegram-арнасына сілтеме жасап хабарлайды.
Бұл тарихи құжатқа қол қою рәсімі жаһандық қауіпсіздік пен тұрақтылықты нығайту жолындағы маңызды қадам болды. Салтанатты шараға Қазақстан Президентінен бөлек, әлемнің тағы 18 елінің басшылары мен ресми өкілдері қатысты. Мұндай ауқымды шара аталған кеңестің халықаралық аренадағы салмағы мен маңыздылығын айқын көрсетеді.
Дональд Трамптың бастамасымен құрылған бұл ұйым әлемдегі қақтығыстардың алдын алу, диалог орнату және бейбіт шешімдер іздеу бағытында жұмыс істейтін болады.
Қазақстанның мұндай жаһандық бастамаларға қатысуы өңірлік қана емес, әлемдік деңгейдегі тыныштықты сақтауға қосылған үлкен үлес. Бейбітшілік кеңесіне мүше болу арқылы еліміз халықаралық мәселелерді шешуде жаңа дипломатиялық мүмкіндіктерге жол ашады.
