«Қазсушар» РМК-ның Жетісу облыстық филиалы Алакөл ауданындағы Тентек гидроторабын реконструкциялау бойынша жобалау-сметалық құжат әзірледі.
Жоба мемлекеттік сараптамаға жолданды. Құрылыс-монтаж жұмыстары сараптаманың оң қорытындысы алынғаннан кейін басталады деп жоспарланып отыр. Қайта жаңғырту жұмыстарының нәтижесінде нысандағы гидротехникалық құрылыстардың сенімділігі артып, су ресурстарының шығыны азаяды.
Соу бөлу тиімділігі жақсарып, ауыл шаруашылығы тауар өндірушілерді сумен тұрақты қамтамасыз етуге мүмкіндік туады. Тентек өзеніндегі су алу гидроторабы 1975 жылы пайдалануға берілген. Нысанның су өткізу қуаты секундына шамамен 1260 текше метр. Біраз жыл бойы бұл гидроторап Алакөл ауданындағы суару жүйесінің негізгі нысандарының біріне айналып, 31 мың гектардан астам суармалы егістікті сумен қамтамасыз етіп келеді.
А. БАЙЖҰМАҚЫЗЫ
Алакөл ауданы
