Осыған дейін «Жетісу» сапында ойнаған (2021 жылы «Қайраттан» жалға келді) 27 жастағы Адам Адахаджиев талдықорғандықтар сапына ресми түрде қайта қосылды. Әйгілі tarnsfermarkt.world сайты бұл трансферді 175 мың еуроға бағалаған. Бірінші лигадағы «Хан Тәңірі» (2023-2024), «SD Family» (2024), қатарында болған жартылай қорғаушы былтыр «Оқжетпес» (2025) командасымен Премьер-лигада доп тепті.
«Қайрат» футбол клубының түлегі Адам Адахаджиев өткен маусымда «Оқжетпес» сапында 24 ойынға қатысып (1606 минут ойнады), 1 гол, 1 пас берді (3 сары қағаз алды). Жалпы Премьер-лигада 60 кездесуге қатысып, 3 гол, 2 пас берді. Ал Бірінші лигада 30 матчта 4 гол салды (4 пас).
«Қайраттан» 2021 жылы жалға келгенде Адам «Жетісу» құрамында Премьер-лиганың 24 ойынына (2 гол, 1 пас), Кубоктың 3 кездесуіне қатысты.
«ЖЕТІСУ-АҚПАРАТ»
