13 қазан күні Алматыда Ұлттар лигасы аясында өтетін Қазақстан – Словения матчына билеттер сатылымға шықты, бұл туралы Қазақстан футбол федерациясы хабарлады.
Тикетон мәліметінше ең арзат билеттің құны 3.000 теңгеден басталса, ең қымбат билетті 12.000 теңге тұрады. Сондай-ақ, стадиондағы орындарға байланысты 5000-8000 теңгелік билеттер де бар.
Сонымен қатар, бұл жолы Қазақстан футбол федерациясы Freedom Ticketon операторымен бірлесіп билеттерід «атаулы» жасап отыр. Яғни, сайттан билетті сатып алған кезіңізде өзіңіздің аты-жөніңізді енгізесіз. Сондай-ақ, матчқа кірерде жеке күәлігіңізбен билетіңізді растауыңыз керек.
«Әрбір билетте матчқа келушінің толық аты-жөні көрсетілуі керек екенін ескеріңіз. Стадионға кіру кезінде жеке басын растайтын құжатты көрсету керек. Егер билеттегі ақпарат клиенттердің аты-жөнімен сәйкес келмесе, матчқа кіруге тыйым салынады», делінген Ticketon хабарламасында.
Федерацияның айтуынша бұндай өзгерісті келіңсіз жағдай мен алыпсатарлардан сақ болу үшін жасалынып отыр.
Айта кетейік, Қазақстан-Словения ойыны 13-қазан күні Алматының орталық стадионында сағат 18:00 өтеді.
Бұған дейін Словения астанасы Люблянада өткен ойында Ұлттық құрама Словениядан 3-0 есебімен ұтылған еді.
Билеттерді тек қана ресми билет операторы Ticketon.kz сайтынан сатып ала аласыз.
