Қазақстан ұлттық құрамасының, «Қайрат» футбол клубының ойыншысы 17 жастағы Дастан Сәтпаевтың «Челсиге» ауысатын күні жақын. Лондонның командасына жақында менеджер болған Хаби Алонсо келісім-шарты бар ойыншылардың барлығын 1 шілдеден бастап оқу-жиынына шақырған. Бұл тізімде қазақстандық футболшы да бар, – деп хабарлайды 7-su.kz ақпараттық порталы.
Дастан биылғы маусымда 12 ойынға қатысып, 5 гол салып, 2 пас берді. Сәтпаев енді «Қайрат» жейдесінде 4 ойынға қатысады.
28 мамыр – «Ордабасы» – «Қайрат»
13 маусым – «Қайрат» – «Атырау»
17 маусым – «Қайрат» – «Қызылжар»
21 маусым – «Қызылжар» – «Қайрат»
«Қызылжарға» қарсы өтетін бұл кездесу тек кезекті турдың ойыны емес, жас талантты Еуропаның топ клубына шығарып салу матчы болмақ.
Еске салайық, Дастан «Челсимен» 2025 жылдың қаңтарында 5 жылға келісімшартқа қол қойған. Футбол нарығындағы құны – 4,3 миллион еуро. Сәтпаев қазақ футболындағы ең қымбат ойыншы. ФИФА ережесі бойынша 18 жасқа толғанда ғана Еуропалық клубқа ауысады. Дастанды «Челси» ұжымы бір ай ерте шақыртып отыр.
