Қазақстан Кубогының 1/16 финалы аясында Талдықорғанның «Жетісу» клубы сырт алаңда алматылық «Қаршыға» командасымен кездесті, – деп хабарлайды 7-su.kz ақпараттық порталы.
Тартысты өткен матч жетісулықтардың пайдасына 1:0 есебімен аяқталды.
Ойын бойы екі команда да ширақ қимылдап, жанкүйерлерге тартысты футбол көрсетті. Матч тағдырын шешкен жалғыз гол бірінші таймның аяқталар тұсында соғылды. 45-минутта «Жетісу» шабуылшысы Мансұр Бирқұрманов қарсылас қақпасын дәл көздеп, командасын алға шығарды.
Екінші таймда алаң иелері есепті теңестіруге тырысқанымен, талдықорғандықтардың қорғанысы сыр берген жоқ. Осы жеңістің арқасында «Жетісу» турнирдің келесі кезеңіне жолдама алды.
Команданың қорғаныстағы сауатты ойыны мен шешуші сәттегі нәтижелі шабуылы жеңіске негіз болды. Енді талдықорғандық жанкүйерлер келесі кезеңдегі қарсыласты асыға күтеді.
